PS heq shtetësinë shqiptare si kusht për Guvernatorin

Maxhoranca në Komisionin e Ekonomisë miratoi sot heqjen e kufizimit sipas të cilit Guvernatori i Bankës së Shqipërisë duhet të ketë shtetësi shqiptare.

Kryetari i Komisionit të Ekonomisë Erjon Braçe tha se projektligji nuk ka lidhje me ardhjen e një Guvernatori të huaj.

“Projektligji i paraqitur është i konsultuar me faktorë të brendshëm dhe faktorë ndërkombëtarë. Ky akt nuk ka lidhje me ndonjë guvernatorë të huaj, por për aplikantë, të cilët për arsye emigraciioni në vende të tjera kanë hequr dorë nga shtetësia shqiptare”, tha Braçe.