Publiku vendos për eliminimin në “Ferma VIP 3” ndërsa tensionet rriten mes konkurrentëve

Në emisionin “Ferma VIP 3”, tensionet mes konkurrentëve po rriten me çdo ditë që kalon. Drejtimi i punëve prej kryefermerit Adionit ka sjellë reagime të ndryshme: pëlqime nga njëri anë, por dhe pakënaqësi, veçanërisht pas vendimit për të dërguar Ermionën dhe Mimozën te fakiri.

Fokusi këtë mbrëmje është vendimi i publikut, i cili ka qenë i hapur për votim që nga dita e hënë për tre të nominuarit: Ermionën, DJ Bujakën dhe Gresën. Qytetarët do të vendosin se cili prej tyre do të largohet nga gara e “Ferma VIP 3”.

Megjithë konkurrencën e ashpër, shumë prej pjesëmarrësve nuk harrojnë qëllimin kryesor të emisionit, që është organizimi i punëve brenda fermës dhe kujdesi ndaj kafshëve. Konkurrentët shpesh janë parë duke punuar në stalla dhe serra, ndërkohë që sfidat dhe lojërat e organizuara nga agai kanë bërë javën më dinamike.

Ndërkohë, miqësitë që dukej se po kalonin përtej loje kanë njohur vështirësi, por atmosfera e përgjithshme mbetet pozitive, me fermerët shpesh duke kënduar, kërcyer dhe organizuar lojëra të ndryshme për të sjellë energji të mirë brenda grupit.

Sot në mbrëmje, gjatë spektaklit që transmetohet live në orën 21:00 në Vizion Plus dhe kanalet Ferma Vip 1 dhe 2, priten surpriza të reja, eliminime dhe sfida të reja mes konkurrentëve.