Qeveria serbe nënshkruan marrëveshjen me Kinën për hekurudhën Budapest-Beograd

Kina, Hungaria dhe Serbia nënshkruan sot një marrëveshje për ndërtimin e një hekurudhe për trenat me shpejtësi të lartë duke lidhur Beogradin me Budapestin, projekt që parashikon rritjes e shkëmbimeve tregtare mes gjigantit aziatik dhe Evropës.

“Kjo hekurudhë do të jetë e dobishme për Hungarinë dhe Serbinë pasi ajo do të mundësojë krijimin e një korridori mes Kinës dhe Evropës”, deklaroi për shtypin kryeministri kinez, Li Keqiang pas nënshkrimit të kësaj marrëveshjeje, një projekt vizionar në samitin e tretë të përvitshëm mes Kinës dhe vendeve të Evropës Qendrore që u zhvillua në Beograd.

Detajet e marrëveshjes nuk u bënë të njohura menjëherë, por sipas shtypit lokal, kosto e punimeve për këtë hekurudhë kap vlerën e 1,5 miliardë eurove.

Kina synon të rilidhë portin e Pireut dhe Evropën Qendrore nëpërmjet një hekurudhe që kalon në Ballkan.
Li siguroi se ndërtimi i kësaj hekurudhe do të përfundojë për dy vjet deri në 2017.

”Arritja e kësaj marrëveshjeje tregon se Kina dhe Evropa kanë gjetur mjetet e bashkëpunimit (…) në dekadat e ardhshme”, theksoi kryeministri hungarez, Viktor Orban.

Orban përshëndeti pjesëmarrjen në këtë projekt të Maqedonisë, vend që ndodhet në rrugën e këtij korridori veri-jug që lidh Hungarinë me Greqinë duke kaluar nga Serbia.