Kryeministri Edi Rama deklaroi sot se ndryshimet e propozuara në Paketën Fiskale për vitin 2023, nuk parashikojnë rritje gjobash për biznesin e vogël.
Rama tha se deklaratat dhe thirrjet për protestë për rritjen e gjobave për biznesin e vogël, janë dizinformim dhe ushqehen nga “aleanca e rublave”.
“Shembull se si pasqyrat e dizinformimit mediatik dhe “aleanca e rublave” helmojnë për të ushqyer mërzinë: ”protestë për rritjen e gjobave të biznesit të vogël”! Jo, gënjeshtër! Asnjë rritje gjobash s’ka për biznesin e vogël, po ka për biznesin e madh, siç sugjeroi edhe Këshillimi Kombëtar”, u shpreh Rama në rrjetet sociale.
Ministrja e Financave dhe Ekonomisë, Delina Ibrahimaj u shpreh më herët gjatë raportimit në komisionet e Kuvendit, se është dashur të bëhet një ndërhyrje për ashpërsimin e masave për rastet kur evidentohen mosdeklarime punonjësish, fshehje e pagave apo edhe mosdeklarim të kontributeve të sigurimeve shoqërore.
Nga ana tjetër, parashikohet ashpërsim i penaliteteve për rastet e mosshoqërimit të mallrave me faturë, por kjo vetëm për rastet e biznesit të madh, sepse kjo lë hapësira për evazion.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.