Rama: Gjirokastra e harruar për 20 vite, tashmë në rrugën e Rilindjes Urbane

Kryeministri Edi Rama deklaroi sot se Gjrokastra pas rrënimit për 20 e sa vite, tashmë ka hyrë në rrugën e Rilindja Urbane me projektin e radhës në qendren historike që do të preke jo vetëm restaurimin e ndërtesave, por do të ndërtohet edhe sheshi i ri këmbësor.

Nëpërmjet një postimi në statusin e tij Facebook mëngjesin e së dielës, kryeministri Rama pohon: “Rilindja Urbane në Gjirokastër. Pas rrënimit të pandalshëm të njëzet e kusur viteve, Gjirokastra ka hyrë në rrugën e Rilindjes. Projekti i radhës qendra historike, ku përveç restaurimit të thellë të godinave, do të ndërtohet sheshi i ri këmbësor i qytetit (sheshi i Çerçizit), me hyrjen këmbësore në qytet, ndërkohë që do të zgjidhet përfundimisht problemi i parkimit të automjeteve për turistët.

“Qentë le të lehin, karvani ecën përpara”, shkruan Rama, duke përciellë dhe një foto të kantierit të Rilindjes Urbane në Gjirokastër.