Rama: Hetimet do tregojnë të vërtetën e kësaj telenovele, asnjë frikë për trazira

Kryeministri Edi Rama ka thënë pas daljes nga parlamenti, se vetëm hetimet e gjithëanshme do të zbardhin të vërtetën e kësja telenovele.

Ai ndërkohë u shpreh se nuk kishte asnjë frikë që përfundoi kaq shpejt seanca, por thjesht është zbatuar rregullorja.

Rama tha se shpreson që kjo rregullore të zbatohet edhe në seancat e tjera.

Ndërkohë, ai u shpreh se nuk beson se do të ketë trazira, duke qenë se sipas Ramës, populli është më i qartë se opozita në lidhje me këtë çështje.

“Vetëm hetimet e gjithëanshme do të tregojnë të vërtetën e kësaj telenovele të shëmtuar.

Ndërkohë, dua të nënvizoj, se në këndvështrimin tim është një çështje që duhet të reflektojë thellë edhe medie, pasi ajo mund të bënte dhe mund të bëjë transparencë të plotë duke u bazuar mbi faktet dhe provat, por dhe nga ligjshmëria.

Unë kam qenë gjithnjë i bindur se tolerance e tepëruar ndaj kësaj opozite që kërkon ta përdor parlamentin për mitingje, sepse kemi pasur pafundësi seancash të ktheyera në mitingje, është një tolerancë që nuk sjellë gjë tjetër veçse degjenerimin e parlamentit.

Jam i bindur se pas kësaj parlamenti do i rikthet rregullores.

Unë jam i bindur se populli shqiptar është shumë më i qartë se çfarë po ndodh dhe shumë më i qartë se kjo opozitë, që ka hallin e vet”, tha kryeministri.