Rama në OKB: Nuk është nevoja të biesh dakord për gjithçka të së shkuarës, Kosova e Serbia të punojnë për marrëveshje
Kryeministri i vendit Edi Rama, nuk ka lënë pa përmendur gjatë fjalës së tij ditën e sotme në Asamblenë e OKB-së, nismën e Ballkanit të Hapur.
Ai tha se kjo nismë është një sipërmarrje e përbashkët me interesa specifike dhe sipas tij nuk është e nevojshme që të biesh dakord me gjithçka për të lënë pas të shkuarën. Me këtë frazë Rama i bëri thirrje Kosovës për t’u bërë pjesë e nismës dhe të punojë për një marrëveshje, së bashku me Serbinë.
Rama: Në rajonin e Ballkanit Perëndimor bashkëpunojmë me një sipërmarrje të përbashkët me interesat tona specifike, kjo na bëri bashkë me Maqedoninë e Veriut dhe Serbinë për të krijuar një platformë të hapur edhe për vendet e tjera të Ballkanit por edhe më tej. Mesazhi i Ballkanit të Hapur është që nuk është e nevojshme të biesh dakord për gjithçka për të lënë pas të shkuarën e errët e për të parë drejt së ardhmes. Duke forcuar marrëdhëniet me Serbinë për të nxitur bashkëpunimin dypalësh, Shqipëria nuk do të lëvizë në njohjen e Kosovës. Është Koha që Serbia dhe Kosova të punojnë për një marrëveshje të mbështetur nga BE-ja dhe SHBA-ja. Dialogu është mënyra e vetme dhe jam i bindur se Ballkani i Hapur do e ndihmojë këtë proces.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.