Rama: Rilindja e Universiteteve kalon nga shembja e çdo piramide

“Faqja e re që u çel dje me raportin publik të ligjshmërisë së institucioneve të arsimit të lartë do të shkruhet deri në fund me transparencë të plotë, përgjegjësi kombëtare dhe vendosmëri ligjore e profesionale. Historia e turpshme e lulëzimit të piramidave financiare në arsim dhe tregut të diplomave falso do marrë fund njëherë e mire” , deklaroi sot Kryeministri Edi Rama.

Në një postim në rrjetin social “Facebook”, shefi i qeverisë  e konsideroi si një histori të turpshme lulëzimin e piramidave financiare në arsimin e lartë.

Po ashtu, Kryeministri Rama shprehet se “ligji do të veprojë pa asnjë tolerancë dhe organet e ligjshmërisë do të duhet të veprojnë për çuarjen para drejtësisë të të gjithë mashtruesve publikë që në shkelje të plotë të ligjit kanë grabitur prindër e studentë për vite të tëra”.

Kreu i Ekzekutivit sqaroi se “studentet e universiteteve që do të mbyllen do të kenë një mundësi të dytë nën kujdesin e drejtpërdrejtë të Ministrisë së Arsimit e Sportit”