Rama: Së bashku kemi arritur të paarritshmen në 25 vjet

Kryeministri i vendit, Edi Rama, ka reaguar në “Facebook” mbi miratimin në Kuvend të reformës në drejtësi, ku shkruan se është arritur e paarritshmja në këto 25 vjet. Për këtë fakt, Rama bën edhe një njoftim për administratën, duke thënë se e hëna do të jetë një ditë pushimi për ta.

“Së bashku kemi arritur të paarritshmen në 25 vjet prandaj të hënën administrata pushim dhe le të jetë një fundjavë e gëzuar për të gjithë”, shkruan në “Facebook” kryeministri.

Reforma në drejtësi u miratua në orët e para të mëngjesit të sotëm me konsensus të plotë, duke kaluar me 140 vota në Kuvend.