Reportazhi i Rai Tv: Pensionistët italianë ndihen të pasur në Shqipëri

Shqipëria është shtëpia e dytë e pensionistëve italianë. Të moshuarit me pension minimal emigrojnë drejt vendit tonë sepse në Itali nuk arrijnë që të mbijetojnë dhe këtu ndihen të pasur.

Në reportazhin e realizuar nga Rai TV, thuhet se qyteti i preferuar i pensionistëve është Tirana dhe Durrësi. “Në Shqipëri një kafe kushton 40 cent, qiraja 150 euro dhe faturat për energjinë dhe ujin kushtojnë rreth 50 euro. Kështu që me një pension prej 500 eurosh, në Shqipëri jetohet mirë ”, thuhet në reportazh.

Ai nis me pamjet të viteve ’90, kur anijet mbusheshin me emigrantë shqiptarë që kërkonin të plotësonin ëndrrën për të jetuar në Itali.