Rikthimi i deputetit Prenga në parlament, opozita braktis komisionet

Deputetët e opozitës kanë bojkotuar të martën mbledhjet e komisionit parlamentar të Ligjeve, Sigurisë Kombëtare dhe Medias, në shenjë proteste ndaj rikthimit në parlament të deputetit Armando Prenga, për të cilin Gjykata e Lartë tre ditë më parë ndryshoi masën e sigurisë nga arrest shtëpie në detyrim paraqitje.

Ndërkohë mesditën e sotme pritet të mblidhet grupi parlamentar i Partisë Demokratike për të vendosur për qëndrimin që do të mbajë në vijim për këtë çështje.

Në shtator të vitit të kaluar, deputeti i PS-së Armando Prenga u përfshi në një konflikt të rëndë, që përfundoi me plagosjen e disa personave.