Bota
Rousseff dhe Neves në turin e dytë të zgjedhjeve presidenciale
![](https://24-ore.com/wp-content/uploads/2014/10/aaa691.jpg)
Presidentja braziliane Dilma Rousseff, e cila është kandidate e Partisë Punëtore, e majtë, fitoi zgjedhjet presidenciale në Brazil, por pa mundur të marrë shumicën e nevojshme çka do të thotë se në turin e dytë do të përballet me socialdemokratin Aesio Neves, doli sot nga numërimi i pjesshëm i votave.
Sipas këtyre rezultateve, Rousseff ka fituar 40,36 për qind të votave, ndërsa Neves 35,23 për qind.
Në vendin e tretë është aktivistja për mbrojtjen e mjedisit dhe kandidate e socialistëve Marina Silva, e cila llogaritej si favorite kryesore e Dilma Rousseffit, me 20,79 për qind të votave.
Turi i dytë i zgjedhjeve do të zhvillohet më 26 tetor.