Samsung e Barnes & Noble prezantojnë Galaxy Tab 4 Nook

Samsung dhe Barnes & Noble kanë prezantuar modelin e ri të tabletit të tyre të përbashkët, të quajtur, Galaxy Tab 4 Nook me ekranin prej 10.1 inç, që paraqet versionin e Nook me ekran më të madh.

Tableti i ri i Samsung, përkatësisht modeli Galaxy Tab 4 Nook sjell rezolucionin prej 1280 x 800 pikselëve, ndërsa specifikat tjera janë të ngjashme me ato të modelit me ekranin prej 7 inç.

Modeli i ri me 10.1-inç i Samsung Galaxy Tab 4 NOOK ka ekranin më të madh të ndonjë tableti të mëparshëm të prezantuar nga NOOK.

Samsung Galaxy Tab Nook 10.1 inç do të shitet për një çmim mjaft të volitshëm prej 299.99 dollarëve, dhe i njëjti do të mund të gjendet në dyqanet dhe libraritë e Barnes & Noble në SHBA.