Kronika
Sarandë, dhunohen dy turistët gjermanë për një vend parkimi
Dy turistë gjermanë janë dhunuar nga disa persona gjatë ditës së sotme. Ngjarja ka ndodhur në plazhin e Bunecit në Sarandë ku dy gjermanët kishin zgjedhur të pushonin.
Ata kanë tentuar të parkojnë makinën me të cilën udhëtonin, pranë plazhit, por janë ndaluar nga disa persona të cilët i kanë kërkuar 10 euro për t’i lejuar të parkonin.
Turistët gjermanë nuk kanë pranuar, e ndaj një nga personat, emri i të cilit nuk bëhet i ditur nga policia, i ka goditur me grushte.
Pas denoncimit nga turistët, policia e mbërritur në vendngjarje i ka shoqëruar personat shqiptarë të përfshirë në sherr, edhe për faktin e zaptimit të tokës buzë detit për qëllime private në mënyrë të paligjshme.
