Sarandë, digjet shtëpia, 80-vjeçari shkrumbohet nga flakët

Një zjarr i fuqishëm i ka marrë jetën sot në mëngjes një 80-vjeçari në fshatin Llazat në Sarandë.

Spiro Papa ka qenë në banesën e tij i vetëm në momentin kur një shkëndijë elektrike ka shkaktuar zjarrin dhe ka shkrumbuar e shtëpisë 1-katëshe.

Fëmijët e viktimës jetojnë në Greqi, ndërsa fqinjët e kanë pasur të pamundur të hyjnë në banesë për ta shpëtuar.

Është dashur ndërhyrja e zjarrfikësve të ardhur nga Saranda për të nxjerrë trupin e 80-vjeçarit.