Sekuestrimi i kokainës në Portin e Durrësit/ Arrestohet pronari i kompanisë ku do shkonte kontejneri, në kërkim administratori
Policia e Durrësit ka dalë me njoftim zyrtar për sekuestrimin e kokainës në Portin e Durrësit. Në njoftimin për media bëhet e ditur se sekuestrimi i saj është bërë si rezultat i punës së përbashkët të Task Forcës permanente e përbërë nga Policia Kufitare e Portit të Durrësit, Policia Kriminale e DVP Durrës dhe autoritetet doganore të Portit.
Bëhet e ditur se është arrestuar në flagrancë menaxheri i firmës ku do mbërrinte kontenieri, si dhe është shpallur në kërkim administratori i saj.
“Si rezultat i kontrollit të imtësishëm të ushtruar në kontenier, në pjesën e motorit të frigoriferit u gjetën 14 pako me lëndë narkotike të dyshuar kokainë, me peshë 11 kg e 675 gr.
Grupi hetimor, nën drejtimin e Prokurorisë së Rrethit Gjyqësor Durrës, vijon veprimet hetimore për dokumentimin e plotë kësaj veprimtarie kriminale, identifikimin dhe kapjen e personave të tjerë të përfshirë në të.
Materialet do t’i kalojnë Prokurorisë së Rrethit Gjyqësor Durrës për veprën penale “Trafikimi i lëndëve narkotike”.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.