Sekuestrohet hoteli “Carlsberg” në Tiranë
Një nga hotelet më luksoze në Tiranë, prej një muaji është sekuestruar nga përmbaruesi privat. Prona me vlerë disa miliona euro, hoteli “Carlsberg” u bllokua me vendim sekuestrimi të 19 janarit 2016, thotë Shqiptarja.com.
Godina luksoze i përket biznesmenit Agron Xheko, i cili mësohet se për të ndërtuar objektin ka marrë kredi në disa banka të nivelit të dytë në Shqipëri. Totali prej prej 5.5 milion euro që ka marrë ishte e pamundur të shlyhej. Tashmë është pikërisht nje nga keto banka, që prej nëntorit 2015 ka nxjerrë një urdhër ekzekutimi kundër biznesmenit Xheko, pasi ka rezultuar se ky i fundit nuk ka arritur të shlyejë këstet mujore, madje kohët e fundit kishte shkëputur marrëdhëniet me bankën, duke lënë pa paguar një diferencë prej disa milion eurove.
