Serbët në veri protestojnë kundër vendimit dhe arrestimit të Ivanoviqit

Në pjesën veriore të Mitrovicës, sot është duke u zhvilluar një protestë ndaj verdiktit të Gjykatës Themelore të Mitrovicës për Oliver Invanoviqin, i cili u dënua me 9 vjet burg për krime të luftës të kryera në vitin 1999 ndaj civilëve shqiptarë.

Protestuesit e mbledhur me flamuj serb në duar po brohorasin dhe po mbajnë pankarta të ndryshme, ku shkruhet “Liri për Oliverin”, “Stop gjykimeve politike”, “Zbatoni ligjin, jo forcën”, e të tjera, raportojnë mediat serbe, transmeton KosovaPress.

Në protestën e organizuar nga të zhvendosurit serb të Kosovës dhe studentët e Universitetit të Prishtinës në Mitrovicën Verior,sipas mediave serbe, kanë marrë pjesë serbë nga të gjitha anët e Kosovës.

Pas verdiktit për Ivanoviqin, ai u arrestua me një vendim të Gjykatës së Apelit, pas Themelorja e kishte lënë në arrest shtëpiak atë deri në një vendim të prerë.