SHBA-ja dhe Irani zhvilluan bisedime indirekte bërthamore në Nju Jork, zbulon The Atlantic

SHBA-ja dhe Irani diskutuan programin bërthamor të Teheranit në Nju Jork gjatë këtij muaji, si pjesë e bisedimeve indirekte mes dy vendeve, sipas një raportimi të The Atlantic të cituar nga Al Jazeera.

Sipas raportimit, administrata e presidentit Donald Trump dëshiron që çdo marrëveshje me Teheranin të trajtojë atë që e përshkruan si “sjellje keqdashëse” të Iranit. Uashingtoni nuk është i interesuar për një memorandum tjetër të përkohshëm të fokusuar vetëm në Ngushticën e Hormuzit, përpara një marrëveshjeje më të gjerë.

Nga ana e vet, Irani propozoi një marrëveshje shtatë-ditore sipas së cilës Shtetet e Bashkuara do të fillonin lehtësimin e sanksioneve dhe zhbllokimin e aseteve të ngrira, në këmbim të një uljeje të përkohshme të tensioneve.

Lajmi për bisedimet indirekte vjen në një moment tensionesh të larta: The Atlantic raportoi gjithashtu se Trump po kërkon nga Pentagoni opsione sulmi ndaj objektivave iraniane përpara zgjedhjeve të ndërmjetme në SHBA. Diplomacia mes dy vendeve ka mbetur e bllokuar që nga dështimi i bisedimeve në Islamabad javën e kaluar.