Shfaqen për herë të parë binjakët Clooney

Prej një muaji George Clooney dhe bashkëshortja e tij Amal u bënë prindër të dy binjakëve, Ella dhe Alexandër, por ata kanë qëndruar në hije nga media në shtëpinë e tyre në Berkshire.

Por fituesi i çmimit Oscar ka shijuar udhëtimin e parë me të vegjlit, të cilët iu  bashkuan prindërve të tyre me një avion privat për në Milano.

MailOnline ka publikuar foto ekskluzive të tyre, ku 56-vjeçari duket se mban me kujdes binjakët me një kosh të bardhë, teksa Amal del pas tij. Udhëtimi i tyre në Itali, ku dimë që George ka shtëpinë e tij në liqenin e Komos prej disa vitesh, vjen pas raportimeve se familja do të lëvizë nga vila e tyre 20 milionë paund në Berkshire për arsye sigurie.