Shkodër- Synohet promovimi i një turizmi të qëndrueshëm, bazuar në trashëgiminë kulturore

Interpretimi i trashëgimisë kulturore dhe optimizimi i eksperiencës së vizitorëve ishte në qendër të një takimi të zhvilluar këtë të hënë në qytetin e Shkodrës.

Projekti HERA për menaxhimin e turizmit të qëndrueshëm të trashëgimisë së Adriatikut organizoi një workshop për këtë qëllim.

Ekspertë të Agjencisë Kombëtare të Turizmit dhe përfaqësues të projektit HERA diskutuan mbi mënyrat e ndryshme për të optimizuar vizitat turistike.

Kreu i AKT-së, Ardit Çollkau gjatë takimit shpjegoi edhe politikat e promovimit dhe nxitjes së zhvillimit të turizmit kulturor duke bërë të mundur përfshirjen e të gjithë aktorëve në këtë sektor.

Krijimi i një platformë të përbashkët ndërkufitare në zonën e Adriatikut për menaxhimin dhe promovimin e një turizmi të qëndrueshëm, bazuar në trashëgiminë kulturore të përbashkët, është objektivi i projektit HERA.

Po ashtu Çollaku zhvilloi dhe një vizitë në Muzeun Marubi.