Shkodër, vritet me armë zjarri tregtari 50 vjeçar, në pranga autori

Një vrasje me armë zjarri është shënuar gjatë orëve të mëngjesit të sotëm në Shkodër.  Ngjarja ka ndodhur në tregun e shumicës, tek ish-SMT-ja, nga ku mësohet se 2 persona kanë qëlluar për vdekje 50-vjeçarin e identifikuar si Dedë Gjakaj.

Policia u gjend menjëherë në vendngjarje dhe nisi punën për gjetjen e autorit, e vetëm pak minuta pas ngjarjes arriti ta arrestonte personin e dyshuar për këtë vrasje.

Mësohet se i arrestuari është shtetasi Ilir Hoxha, teksa në momentin që i janë vënë prangat nga policia e Shkodrës atij i është sekuestruar edhe arma e krimit.

Ende nuk dihen motivet e ngjarjes, për të cilat do të mësohet pas hetimit të policisë.