Shkrimtarja ukrainase, Victoria Amelina vdiq javën e kaluar, pas një sulmi rus me raketa, në një kafene në qytetin lindor, në Kramatorsk, njoftoi sot Shoqata e Shkrimtarëve Ukrainas (PEN).
Kjo e çon numrin e të vdekurve nga sulmi në Kramatorsk në 13, duke përfshirë tre fëmijë.
Përpara sulmit me raketa, Amelina takoi tre përfaqësues të një OJQ kolumbiane në kafene.
Gjatë sulmit ata u plagosën lehtë, por Amelina, 37 vjeç, u shtrua në spital pas plagëve të rënda në kokë.
Sipas deklaratës së PEN , Amelina ishte jo vetëm një autore, por edhe një aktiviste e të drejtave civile.
Për vite me radhë ajo bëri fushatë për lirimin e të burgosurve politikë ukrainas në Rusi dhe dokumentoi krimet e luftës dhe shkeljet e të drejtave të njeriut me organizatën joqeveritare “Truth Hounds” që nga viti 2022.
Libri i saj i parë jofiction në anglisht, “War and Justice Diary: Looking at Women Looking at War”, do të botohet së shpejti.
Ai dokumenton krimet e luftës dhe jetën e grave ukrainase gjatë luftës.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.