Shqipëria bën raportimin e dytë mbi “Rishikimin e politikave të tregut”

 Në Sekretariatin e OBT-së në Gjenevë, sot Shqipëria do të bëj raportimin e dytë për ”Rishikimin e Politikave të Tregut”.

Burime nga AIDA, bën të ditur se, ky raportim kryhet në zbatim të Marrëveshjes që krijoi Mekanizmin e Rishikimit të Politikave të Tregut (Aneksi i 3 të i Marrëveshjes së Marrakeshit e cila themeloi Organizatën Botërore të Tregtisë).

Ky raport u përgatit nga Sekretariati i OBT-së nën përgjegjësinë e tij. Raporti paraqet një analizë të situatës ekonomike sipas sektorëve të tilla si: situatën Makroekonomike, reformat në sektorët e energjisë, privatizimeve, të drejtësisë, turizmit, investimeve strategjike, zhvillimet më të fundit të politikave tregtare, objektivat e synuara etj. Pjesë e delegacionit shqiptar është edhe kreu i Agjencisë Shqiptare të Zhvillimit të Investimeve Genti Beqiri.

Raporti përshkruan edhe situatën pas miratimit të ligjit për investimet strategjike,  ku në fokusi është roli i Agjencisë Shqiptare të Zhvillimit të Investimeve si negociatore e të gjitha hallkave të investimeve në Shqipëri.