Vizita e ish-Sekretarit të Shtetit, Mike Pompeo me rastin e 100- vjetorit të marrëdhënieve midis SHBA-së dhe Shqipërisë është gërshetuar dje edhe me një moment të rëndësishëm për zhvillimet energjetike në vend.
Mëngjesin e djeshem u nënshkrua memorandumi i mirëkuptimit mes kompanive Linden Energy, Overgas dhe Albgaz Sh.a , mbi hulumtimin e mundësive për bashkëpunim sa i takon diversifikimit të burimeve të furnizimit me gaz natyror, çka hap siparin e kthimit të terminalit të LNG Vlorë në një projekt ndryshimi rajonal.
Ky memorandum dëshmon për interesin e shtuar të partnerëve dhe aleatëve strategjikë karshi projekteve ambicioze të konceptuara nga qeveria shqiptare, që jo vetëm do i krijojnë mundësitë vendit për të garantuar sigurinë energjetike, por do ta kthejnë Shqipërinë në një hub të rëndësishëm e kontributor rajonal.
Ministrja e Infrastrukturës dhe Energjisë, Belinda Balluku e pranishme gjatë nënshkrimit të memorandumit tha se Shqipëria kthehet në një vend eksportues falë terminalit të lundrueshëm që do të ngrihet në Vlorë
“E nderuar për mbështetjen që kemi marrë nga fillimi për projektin tashmë rajonal të gazit të lëngshëm i cili do të ofrojë siguri energjetike duke e kthyer vendin tonë në një pikë të rëndësishme për të gjithë rajonin”, deklaroi Balluku.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.