Si nxiti suksesi në Botëror interesin turistik për Kap Verden

Kap Verde, shtet- ishull i bregdetit perëndimor të Afrikës me rreth 590,000 banorë, fitoi vëmendje të gjerë pas kualifikimit në fazën e nokautit dhe përballjes së fortë me kampionët e botës, Argjentinën. Performanca e lojtarëve, përfshirë portierin Vozinha, e vendosi vendin në fokusin ndërkombëtar dhe e bëri atë të njohur edhe për publikun që më parë nuk kishte informacion të gjërë për këtë destinacion.

Sipas sports.yahoo, interesimi turistik për Kap Verden është rritur dukshëm ditët e fundit, veçanërisht në Shtetet e Bashkuara. Të dhënat e Trip.com, të përmendura nga Global Times, tregojnë se kërkimet për destinacionet në Kap Verde u rritën me 388% në bazë vjetore deri në fund të qershorit, ndërsa krahasuar me muajin e mëparshëm rritja arriti 852%. Njëkohësisht, rezervimet e fluturimeve u rritën me 76% dhe ato të hoteleve me 46%.

Hype-i dhe vëmendja ndaj profileve në rrjetet sociale të lojtarëve mund të zbehen me kalimin e kohës, por ekziston një mundësi reale që rritja e njohshmërisë të sjellë përfitime afatgjata për ekonominë dhe turizmin e vendit. Performanca në Botëror ka nxjerrë në pah potencialin e Kap Verdes si destinacion dhe i ka dhënë vendit një profil më të fortë ndërkombëtar.

Shfaqja e ekipit si një nga surprizat e turneut e bëri Kap Verden të preferuar për shumë tifozë dhe turistë, dhe kjo nxjerrje në skenën botërore mund të përkthehet në rritje të qëndrueshme të vizitave dhe të të ardhurave nga turizmi, raporton sports.yahoo.