Slavisa Ristic dyshohet për 15 vepra penale

Ish kryetari i komunës së Zubin Potokut, Slavisa Ristic, dyshohet për 15 vepra penale, duke përfshirë edhe veprën e vrasjes së rëndë.

Pas intervistës së tij të hënën në veri të Mitrovicës, e cila ka zgjatur rreth gjashtë orë, njëri nga gjyqtarët e EULEX-it i ka shqiptuar atij masën e paraqitjes në polici dy herë në javë, ndalesën e kontaktit me dëshmitarët, si dhe i është marr pasaporta.

Avokati i të dyshuarit, Lubomir Pantovic, ka konfirmuar për mediat serbe në veri se Ristic dyshohet për 15 vepra penale, ku veç tjerash përfshihet edhe vrasja e policit Enver Zymberi që ka ndodhur më 26 korrik 2011, transmeton RTK.