Sllovakia mbështet integrimin e Kosovës në BE

Qëndrimi zyrtar i Sllovakisë rreth mosnjohjes së pavarësisë së Kosovës, nuk është pengesë për Bratislavën zyrtare që të ndihmojë dhe mbështes integrimin e gjithë Ballkanit Perëndimorë në Bashkimin Evropian, thotë ministri i Jashtëm sllovak, Miroslav Lajcak, pas takimit me ministrat e Jashtëm të Ballkanit perëndimor në Vishegrad.

Prania e shefit të diplomacisë së Kosovës në Bratislavë, Enver Hoxhaj, sipas Lajcakut, vetëm sa e konfirmon që Sllovakia mbështet integrimin evropian të të gjithë vendeve të Ballkanit Perëndimor, pavarësisht nga pozicioni i tyre zyrtar. Sipas tij, ka forma të veçanta të bashkëpunimit me Kosovën, transmeton Telegrafi.

Kujtojmë se përveç Sllovakisë, edhe Qipro, Rumania, Spanja dhe Greqia, si vende anëtare të BE-së, nuk e kanë njohur pavarësinë e Kosovës.