Sot votohet qeveria e re; shqiptarët 6 ministri

Sot Kuvendi i Maqedonisë do të mblidhet për të votuar formimin e qeverisë së re, e cila do të udhëhiqet nga Zoran Zaev.

Mandatari Zoran Zaev një ditë më parë i parashtroi Kuvendit të Maqedonisë kërkesën për formimin e qeverisë.

Mbledhjen për zgjedhjen e qeverisë së re, kryetari i Kuvendit Talat Xhaferi e caktoi në orën 11:00, ndërsa programi dhe përbërja gjithashtu u janë parashtruar deputetëve.

Në Qeverinë e re ministra do të kenë LSDM-ja, BDI-ja dhe Aleanca për Shqiptarët, të cilat kanë shumicë prej 62 deputetëve në Kuvendin 120-anëtarësh.

Gjashtë nga ministritë e qeverisë së Zaev do të drejtohen nga shqiptarët, konkretisht: BDI do të marrë dikasterin e Euro-Integrimeve, Ministrinë e Drejtësisë, atë të Ekonomisë dhe Planifikimit Hapësinor, si dhe do ketë dhe ministrin pa portofol.

Aleanca për Shqiptarët do të drejtojë dy ministri, atë të Shëndetësisë dhe Ministrinë e Pushtetit Lokal.