Spiropali në Firence, merr pjesë në konferencën për luftën kundër trafikut
Drejtore e Përgjithshme e Doganave, Elisa Spiropali ndodhet në Itali, ku po merr pjesë në konferencën për luftën e përbashkët kundër trafikut dhe shkëmbimin në kohë reale të informacionit përmes projektit “SEED”.
Në Firence në Forumin e Pestë të Nivelit të Lartë në kuadër të Iniciativës së Venecias me Drejtorët e Doganëve të Ballkanit Perëndimor, Mesdheut, Turqisë dhe Italisë, shkruan Spiropali në rrjetin e saj social ‘facebook’
“Hapet konferenca për luftën e përbashkët kundër trafikut dhe shkëmbimin në kohë reale të informacionit përmes projektit “SEED”, informoi Spiropali.
Iniciativa e Venecias ka për qëllim forcimin e bashkëpunimit rajonal në Ballkan dhe të kontribuojë në zhvillimin e ngritjes së kapaciteteve të administratave doganore pjesëmarrëse.
