Kryeministri i Maqedonisë, Zoran Zaev në Bruksel u takua me Komisionerin e BE-së për Politikë të Fqinjësisë dhe negociatave për zgjerimi, Johannes Hahn.
Në takimin me Komisionarin Hahn, kryeministri Zaev dhe delegacioni qeveritar, së bashku me ekipin e bashkëpunëtorët më të ngushtë të Komisionarit erdhën në përfundimin se me këtë takim, fillojnë përgatitjen për të skanuar gjendjen e kapitujve që janë shënuar së bashku me datën e negocimit.
Një mesazh i përbashkët nga ky takim është se nuk ka kohë për festime dhe ka 365 ditë pune për punë intensive për të arritur detyrën historike të negociatave të suksesshme dhe të shpejta për anëtarësimin Republikës së Maqedonisë në BE. U diskutua gjithashtu për serinë e parashikuar të hapave përpara në zbatimin e marrëveshjes me Republikën e Greqisë, por edhe në drejtimet kryesore për forcimin e reformave në kapitujt që do të hapen në qershor të vitit të ardhshëm, si sundimi i ligjit, gjyqësia dhe të drejtat themelore. Gjatë vizites në Bruksel kryeministri Zaev është takuar edhe me sekretarin e përgjithshëm të NATO-s Jens Stoltenberg, i cili vlerësoi pozitivisht marrëveshjen rreth çështjes së emrit.
Stoltenberg edhe një herë theksoi se pas finalizimit të marrëveshjes vendi do të hyjë në NATO.
“Pres që në samitin pas dy javësh, të ftoheni në negociata për anëtarësim, ndërsa pas finalizimit të marrëveshjes, të hyni në NATO. Dera e NATO-s është e hapur, mos e humbni këtë mundësi”, theksoi Stoltenberg. Përderisa finalizimi, që do të thotë zbatimi i marrëveshjes varet nga rezultati i referendumit që pritet të mbahet në vjeshtë, kryeministri, Zaev iu bëri thirrje qytetarëve të votojnë pozitivisht.
