SUEDI – Lofven: Ende mister prania e një nëndetëseje të huaj

HELSINKI, 20 tetor – Kryeministri suedez, Stefan Lofven konfirmoi sot se misteri rreth aktivitetit të nëndetëses së huaj në arkipelagun e Stokholmit nuk ishte zgjidhur dhe se kërkimet po vazhdonin.

“Një operacion i shërbimit sekret po vijon. Ministria e Mbrojtjes ka kryer tre hetime, dy të premten dhe një të dielën dhe po merr informacione për të mësuar se për çfarë bëhet fjalë”, theksoi Lofven në një konferencë shtypi në Helsinki, në përfundim të një takimi me homologun finlandez.

“Ky nuk është një sulm nënujor”, nënvizoi kryeministri.

Sipas të përditshmes ”Expressen”, zona e kërkimit, në jug të kryeqytetit suedez u ndalua për trafikun ajror.

Të premten në mbrëmje, ushtria suedeze ndërmori një operacion të përmasave të mëdha me më shumë se 200 trupa, anije që nuk i kap radari, minapastruese dhe helikopterë, që kanë kontrolluar një zonë të detit Baltik dhe arkipelagun e Stokholmit pasi një dëshmitar kishte raportuar se kishte parë një objekt nën ujë.

Rusia përgënjeshtroi çdo përfshirje duke theksuar se nëndetësja ishte holandeze, një informacion i hedhur poshtë nga Holanda