Surroi: Shqiptarët e Maqedonisë kanë nevojë për liderë të rinj

Publicisti i njohur Veton Surroi ka rikujtuar figurën e njohur të Arben Xhaferrit, duke theksuar se një njeri si ai është i papërsëritshëm.

Surroi gjithashtu ka thënë se shqiptarët e Maqedonisë kanë nevojë për liderë të rinj, që do e çojnë vendin drejt integrimit në BE dhe NATO.

“Arben Xhaferri ka qenë rilindës në kuptimin mendor e shpirtëror, me një sens të thelluar politik dhe përgjegjësi të madhe kombëtare. Dhe në dallim nga liderët e tanishëm, Arben Xhaferri ka ndaluar së lexuari me të përfunduar letërsinë shkollore. Kam frikë se do të gabonim të kërkonim përsëritjen e tij, sepse është i papërsëritshëm. Ajo çka i duhet shqiptarëve në Maqedoni janë liderë të rinj, që kanë si qëllim integrimin e vendit në BE dhe NATO”, ka pohuar për mediat Surroi.