Tahiri-Roberti: Intensfikim i marredhënieve Itali-Shqipërinë luftën ndaj Mafias
Intensifimi i marredhënieve dypalëshe mes Italisë dhe Shqipërisë është thelbësorë në luftën ndaj Mafias, pasi krimi nuk njeh kufi, tha të enjten, ministri i Punëve të Brendshme, Saimir Tahiri.
Deklarata e ministrit Tahri u bë gjatë një takimi, që ky i fundit zhvilloi me Prokurorin Kombëtar të Antimafias Italiane, Franco Roberti, gjatë vizitës tij në Tiranë.
Takimi u fokusua në çështje me interes të përbashkët të të dy vendeve, duke e vënë theksin te hetimi i aseteve kriminale dhe pastrimi i parave me burim kriminal. Prokurori Roberti i bëri me dije ministrit Tahiri se Shqipëria është vendi prioritar për Italinë dhe se mbeten të gatshëm të ofrojnë ndihmë dhe ekspertizë, për konsolidimin e Byrosë Kombëtare të Hetimit.
Tahiri theksoi angazhimin e plotë të Policisë së Shtetit që pas rezultateve në luftën kundër drogës, do të kthehet në prioritet hetimi i pasurive të pajustifikuara dhe aseteve kriminale. Ministri u shpreh për domosdoshmërinë e shtrirjes dhe forcimit të bashkëpunimit mes organeve ligjzbatuese në të dy anët e kufirit, pasi Mafia dhe organizatat kriminale nuk kanë barriera mes tyre. Prokurori Kombëtar i Antimafias e ftoi ministrin Tahiri për një vizitë në Romë.
