Të ardhurat nga taksat doganore u rritën lehtë

Të ardhurat nga taksat doganore kanë pësuar rritje të lehtë në dymujorin e parë të vitit 2016, krahasuar me të njëjtën periudhë të vitit 2015.

Sipas statistikave zyrtare të publikuara nga Drejtoria e Përgjithshme e Doganave të ardhurat nga taksa doganore për këtë periudhë të vitit 2016 llogariten 1,306 milionë lekë nga 1,276 milionë lekë që ishin në të njëjtën periudhë të vitit 2015.

Taksa doganore është një taksë e imponuar mbi importet dhe eksportet e mallrave. Normat e tarifave doganore janë bazë, të veçanta ose bazuar në vlerën e mallrave.

Taksa doganore në 5 vitet e fundit për periudhën dymujore janar-shkurt :

2012 1,347

2013 1,166

2014 1,241

2015 1,276

2016 1,306