Tentim vrasje në Vushtrri: viktima e rrahur me mjete të forta përfundon në QKUK
Një person përfundoi me lëndime të rënda në QKUK, ndërsa në vendin e ngjarjes policia gjeti një veturë të aksidentuar, katër gëzhoja dhe një karikator me fishekë.
Një rast i rëndë i dyshuar si vrasje në tentativë është regjistruar në Vushtrri, ku një person përfundoi me lëndime të rënda në Qendrën Klinike Universitare të Kosovës. Sipas raportit 24-orësh të Policisë së Kosovës, viktima, një mashkull kosovar, dyshohet se është sulmuar dhe rrahur nga disa persona të panjohur me mjete të forta.
Siç njofton portali “Betimi për Drejtësi”, rasti ka ndodhur më 30 shtator rreth orës 00:45. Në vendin e ngjarjes policia gjeti një veturë të aksidentuar, katër gëzhoja, një karikator me pesë fishekë, si dhe një fishek tjetër brenda veturës.
Rasti po hetohet në drejtim të veprës penale “vrasje në tentativë”, ndërsa personat e dyshuar ende nuk janë identifikuar, shkruan edhe portali Fiks.al. Deri tani nuk ka të dhëna për motivet e sulmit.
Policia njofton se hetimet po vijojnë nga organet kompetente.
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.