Thaçi në Tiranë: Rama ka të drejtë të flasë për Kosovën – por jo në emër të saj

“Zoti Rama ka të drejtë plotësisht të flasë për Kosovën, jo në emër të Kosovës. Për Kosovën vendosin institucionet legjitime”, ka thënë presidenti i Kosovës në emisionin “Opinion” në TV Klan.

“Edhe unë flas për Shqipërinë kur të me jepet mundësia, por vendimmarrja i takon Tiranës”, ka shtuar Thaçi, transmeton Gazeta Express. Kosova dhe Shqipëria nuk janë në garë, por janë shtete që e plotësojnë njëra-tjetrën, në të gjitha angazhimet, ka theksuar presidenti i Kosovës.

Nderkohë, Presidenti i Kosovës Hashim Thaçi ka folur lidhur me deklaratat e ministrit të Jashtëm të Kosovës, Enver Hoxhaj se Shqipëria nuk mund të përfaqësojë Kosovën në Beograd dhe shkrimet e analistëve të njohur të Kosovës dhe Shqipërise gjatë ditëve të fundit që kanë trajtuar me tone të forta këtë realitet të krijuar mes Kosovës dhe Shqipërisë.

Thaçi i ka cilësuar këto shkrime dhe këtë diskutim “konfliktual”,  si një debat artificial që është krejt pa kuptim. Sipas tij, raportet mes Kosovës dhe Shqipërisë janë të shkëlqyra dhe se dy shtetet nuk janë në garë por plotësuese të njëra tjetrës.

“Ky debat është aq artificial, aq i kotë, edhe i demshëm mund të jetë dhe pa ndikim. Raportet mes Kosovës dhe Shqipërisë janë të shkëlqyera në nivel institucional dhe privat.Këto opinione janë paraqitur për të paraqtur cështje që nuk ekzisotjnë, janë në kuadrin e një fryme të panevojshme”-tha Thaçi.