Thaçi : Po presim rekomandimin për liberalizimin e vizave

Presidenti i Republikës së Kosovës, Hashim Thaçi, priti sot në një takim ambasadorin e Suedisë në Republikën e Maqedonisë, jorezident për Kosovën, Mats Staffansson.

Gjatë takimit, Presidenti Thaçi tha se “hyrja në fuqi e Marrëveshjes së Stabilizim Asociimit ka ndikuar pozitivisht në dialogun politik brenda Kosovës, pasi partitë e tërë spektrit politik janë ulur të bisedojnë për zbatimin e MSA-së”.

“Tani po presim rekomandimin për liberalizimin e vizave”, u shpreh presidenti Thaçi, i cili shtoi se “prioritetet e presidencës sime do të jenë sundimi i së drejtës, zhvillimi ekonomik dhe funksionimi demokratik i institucioneve të shtetit”.

Nga ana tjetër, ambasadori suedez, Mats Staffansson, përgëzoi presidentin Thaçi që Kosova ka tejkaluar tensionet politike dhe shtoi se tani vëmendja duhet të kthehet te fuqizimi i institucioneve të Kosovës.

Presidenti Thaçi tha se do të punojë për promovimin dhe forcimin e bashkëpunimit rajonal, se do të mbështesë dialogun me Serbinë dhe dialogun konstruktiv me Bashkimin Evropian