Tomografi i Radiologjisë kthehet në punë: thirren pacientët, do të punohet me dy turne

Një tomograf në Klinikën e Radiologjisë në Shkup është vënë sërish në funksion, ndërsa ai i kompleksit kirurgjikal është ende në servis, siç njofton portali 360 gradë. Instituti i Radiologjisë ka nisur thirrjen dhe caktimin e organizuar të termineve të reja për të gjithë pacientët, kontrollet e të cilëve ishin shtyrë përkohësisht për shkak të situatës së krijuar.

Sipas Makfax-it, tomografi i riparuar do të punojë me dy turne, në mënyrë që të skanohen të gjithë pacientët që presin, ndërsa kontrolle do të kryhen edhe gjatë fundjavës, siç shkruan portali 24Info.

Përderisa tomografi në kompleksin kirurgjikal po servisohet, pacientët urgjentë pranohen në Spitalin e Përgjithshëm të Qytetit “8 Shtatori”, sipas të njëjtit raportim.