Totozani, për gjakmarrjen: Nishani të mbledhë Këshillin Koordinues

Avokati i Popullit Igli Totozani ka prezantuar në Shkodër raportin e posaccëm për gjakmarrjen. Ai ka kërkuar hetim dhe ndëshkim për ata që falsifikojnë dokumentet me gjakmarrjen, për të kërkuar azil në BE.

Z. Totozani i ka kërkuar edhe presidentit të thërrasë Këshillin Koordinues në luftën kundër gjakmarrjes.

“Mbledhja e Këshillit Koordinues në luftën kundër gjakmarrjes nga Presidenti, në cilësinë e drejtuesit të tij, do të ishte një mesazh pozitiv për parandalimin e fenomenit të gjakmarrjes dhe ndërkohë do të shërbente si nxitje për organet e administratës për miratimin e tyre”, është shprehur Totozani.

Ai ka kërkuar edhe përgatitjen e një censusi dhe harte të saktë me familjet në gjakmarrje.