Tre persona prangosen në Prishtinë për fajde, nën vëzhgim që nga viti 2021
Tre të dyshuar për fajde dhe kanosje u arrestuan pas hetimeve që zgjasin që nga viti 2021; gjatë aksionit u kontrolluan dy lokacione dhe u sekuestruan telefona e prova materiale.
Tre persona janë arrestuar në Prishtinë nën dyshimin se kanë kryer veprat penale “Fajde” dhe “Kanosje”.
Sipas të dhënave të Policisë, arrestimi i të dyshuarve u bë pas hetimeve disavjetore, konkretisht që nga viti 2021. Gjatë aksionit policor u kontrolluan dy lokacione, ku në cilësi të provave u sekuestruan tre telefona celularë, si dhe prova të tjera materiale që mund të jenë të nevojshme për procedurën penale.
Me vendim të prokurorit, të dyshuarit u dërguan në mbajtje, ndërsa rasti mbetet nën hetim.
Burimi: Klan Kosova
Komentet
Bëhu i pari që komenton!
Lini një Koment të Ri
Për t'u përgjigjur një komenti specifik, kliko butonin 💬 Përgjigju poshtë atij komenti.