Tregu kafshëve të gjalla-Ministria e Bujqësisë, apel bashkive të plotësojnë standardet higjeno-sanitare

Ministria e Bujqësisë i kërkon të gjitha bashkive në vend, të plotësojnë kushtet dhe kriteret higjeno-sanitare në tregjet e hapura të kafshëve të gjalla bujqësore dhe thertoret e mishit, pas problemeve të kostatuara pak kohë më parë nga inspektorët e Autoritetit Kombëtar të Ushqimit (AKU).

Në një letër drejtuar strukturave veterinare në të gjitha qarqet e vendit, ministria e Bujqësisë citon se ” Në këto tregje aktualisht situata lë shumë për të dëshiruar, për faktin se në to lëvizin dhe tregtohen kafshë të pa matrikulluara dhe pa çetifikatë veterinare, duke krijuar një risk në lidhje me situatën epizootike të pa kontrolluar nga sherbimi veterinar, por dhe sigurinë ushqimore të konsumatorit”.

Në këto kushte, tregjet e kafshëve të gjalla që të kryejnë funksionin e tyre duhet të përmbushin standartet si më poshtë, në të kundërt do të pezullohet aktiviteti i tregtimit të tyre, vijon shkresa zyrtare e MB-së:

1- Tregu i kafshëve të gjalla duhet të jetë jashtë qytetit dhe së paku 500 m larg vendbanimeve, duhet të ketë infrastrukturë rrugore dhe të jetë së paku 500 metra larg rrugës kryesore.
2. Ambjenti i destinuar për treg të kafshëve duhet që të mos ketë shërbyer në 20 vitet e fundit si varrezë e kafshëve apo si depo publike e mbeturinave
3. Sipërfaqja e lejuar për tregtimin e kafshëve të gjalla duhet të jetë sipas standarteve të parashikuara
4. Zyra veterinerit të mbikqyr tregun e autorizuar.
5. Çdo treg i kafsheve duhet të posedojë thertoren sanitare për therje emergjente dhe duhet të ketë kushtet e paracaktura në ligj, ndricim, dizefektim, ajrosje, etj.