Treni tërheq zvarrë autobusin e shkollës, 19 fëmijë të vdekur (VIDEO)

Këto muajt e fundit aksidentet hekurudhore në Indi duket që nuk kanë të sosur. Në maj, të paktën 20 persona humbën jetën kur një tren pasagjerësh doli nga shinat dhe u përplas me një tren mallrash në Uttar Pradesh, dhe gjatë muajit të kaluar 4 persona humbën jetën dhe 10 të tjerë mbetën të plagosur, kur një tren doli nga shinat në Biha.

Një autobus që transportonte fëmijë për në shkollë është përplasur me një tren në Telangana në Indi dhe si pasojë kanë humbur jetën të paktën 19 fëmijë.

Raportohet se në autobusin e shkollës udhëtonin rreth 32 nxënës, dhe në mesin e viktimave është edhe shoferi i autobusit të shkollës. 13 prej fëmijëve humbën jetën menjëherë në vendin e ngjarjes, ndërsa 6 të tjerë në spital.

Pas përplasjes fatale, treni me pasagjerë e tërhoqi zvarrë për disa qindra metra autobusin. Asnjë nga pasagjerët e trenit nuk mbeti i lënduar nga ky aksident.

Përplasja ndodhi në një mbikalim pa trarë pranë fshatit Masaipet në rrethin e Medakut. Janë thuajse 15 mijë mbikalime të tilla, në të cilat qindra persona kanë humbur jetën.

Një shqetësim i vazhdueshëm qëndron në lidhje me standardet e sigurisë në rrjetin

Këto muajt e fundit aksidentet hekurudhore në Indi duket që nuk kanë të sosur. Në maj, të paktën 20 persona humbën jetën kur një tren pasagjerësh doli nga shinat dhe u përplas me një tren mallrash në Uttar Pradesh, dhe gjatë muajit të kaluar 4 persona humbën jetën dhe 10 të tjerë mbetën të plagosur, kur një tren doli nga shinat në Bihar.