Trump: Ushtria amerikane ka filluar pastrimin e Ngushticës së Hormuzit

Presidenti amerikan Donald Trump  ka bërë të ditur se forcat ushtarake të Shteteve të Bashkuara kanë filluar procesin e pastrimit të Ngushticës së Hormuzit duke pretenduar se të gjitha anijet iraniane për vendosjen e minave detare janë fundosur.

Në një postim në rrjetet sociale të shtunën, Trump shkroi se “Tani po fillojmë procesin e pastrimit të Ngushticës së Hormuzit”.

Ai e përshkroi këtë si një “favor” për vendet e tërë botës, duke përmendur Kinën, Japoninë, Korenë e Jugut, Francën, Gjermaninë dhe shumë të tjera, të cilat, sipas tij, “nuk kanë as guximin as vullnetin ta bëjnë vetë këtë punë”.

Trump shtoi se “të gjitha 28 anijet iraniane për hedhjen e minave (mine dropper boats) tani po qëndrojnë në fund të detit”.

Ai theksoi se kërcënimi kryesor i mbetur për lundrimin është prania e minave detare, por nuk ofroi prova të pavarura për këtë pretendim. Sipas tij, SHBA po përdorin pajisje të sofistikuara për të lokalizuar dhe hequr minat.

Ngushtica e Hormuzit është një nga pikat më strategjike të transportit detar në botë. Përmes saj kalon rreth 20% e naftës së papërpunuar globale, duke furnizuar ekonomitë e mëdha si Kina (që importon deri në 90% të naftës së saj nga Gjiri Persik), Japonia, Koreja e Jugut dhe Evropa.

Çdo bllokim ose ndërprerje këtu shkakton rritje dramatike të çmimeve të energjisë dhe kriza globale furnizimi.

Kriza aktuale lidhet me luftën e filluar në fund të shkurtit 2026 midis SHBA-së, Izraelit dhe Iranit. Irani, në përgjigje të sulmeve ajrore, ka kryer sulme ndaj anijeve tregtare, ka paralajmëruar bllokimin e ngushticës dhe ka vendosur miniera detare si masë parandaluese.

Forcat amerikane (CENTCOM) raportuan në mars se kishin shkatërruar 16 anije iraniane për vendosjen e minave pranë rrugës së naftës. Trump atëherë kishte paralajmëruar se çdo minë e vendosur duhej hequr menjëherë, përndryshe do të kishte “pasoja ushtarake të papara”.

Në fillim të prillit, SHBA dhe Irani ranë dakord për një armëpushim dyjavor, që përfshinte rihapjen e ngushticës. Megjithatë, zbatimi ka qenë i tensionuar: Irani akuzohet se po ngarkon tarifa (toll) për anijet që kalojnë (disa raporte flasin për 1 dollar për fuçi naftë), duke krijuar një lloj “toll booth” de facto. Trump e ka quajtur këtë “të pahonorable” dhe ka refuzuar çdo sistem të tillë. Ai ka thënë se ngushtica do të rihapet “shumë shpejt”, me ose pa ndihmën e Iranit.

/rtsh.al/

The post Trump: Ushtria amerikane ka filluar pastrimin e Ngushticës së Hormuzit appeared first on RTSH.