U mbyt në Igumenicë pas largimit ilegal në Greqi, familja apel për kthimin e trupit

Familjarët e të riu Kristian Çullaj, nga Fieri i cili u gjet i mbytur ne Igumenicë në përpjekje për të kaluar ilegalisht kufirin në shtetin fqinj Greqi, kerkojne ndihme nga shteti per te rikthyer trupin e pajet ne atdhe.

Trupi i pajetë u 22-vjeçarit u gjet nga policia greke dhe aktualisht ndodhet në morgun e Janinës. Halla e të riut i ka bërë sot apel shtetit që t’i ndihmojë që të tërheqin trupin e pajetë të të afërmit të tyre, pasi familjes i janë kërkuar 1000 euro për procedurat e tërheqjes së trupit të pajetë nga morgu, ndërkohë që ata nuk mund ta përballojnë këtë pagesë.

Kristian Çullai u nis para disa ditësh në Greqi në mënyrë ilegale bashkë me tre shokë të tjerë për fatin e të cilëve ende nuk dihet gjë. Një ditë më parë familjarët e 22 vjeçarit Eri Pelivani, nga Fieri denoncuan zhdukjen e djalit të tyre pasi ishte nisur për në Greqi, duke mos pasur asnjë informacion për vendndodhjen e tij. Ndërkohë, policia greke ka sqaruar se roja bregdetare greke ka gjetur vetëm një trup të pajetë në Igumenicë dhe nuk ka informacion për personat e tjerë që mund të kenë qenë me të.