U rikthye protagonist me Trabzonspor, klubit turk i vjen oferta e rëndësishme për Muçi-n

Ernest Muçi rikthehet protagonist me fanellën e Trabzonspor. Sulmuesi shqiptar ishte vendimtar në çerekfinalet e Kupës, ku Trabzonspori eliminoi Samsunspor pas goditjeve të penalltive në transfertë. Pikërisht Muçi realizoi penalltinë vendimtare, duke i dhënë skuadrës kualifikimin në gjysmëfinale.Koha e rregullt dhe shtesa u mbyllë me rrjeta të paprekura, ndërsa nga “ruleta ruse” e penalltive krahas […]

Ernest Muçi rikthehet protagonist me fanellën e Trabzonspor. Sulmuesi shqiptar ishte vendimtar në çerekfinalet e Kupës, ku Trabzonspori eliminoi Samsunspor pas goditjeve të penalltive në transfertë. Pikërisht Muçi realizoi penalltinë vendimtare, duke i dhënë skuadrës kualifikimin në gjysmëfinale.Koha e rregullt dhe shtesa u mbyllë me rrjeta të paprekura, ndërsa nga “ruleta ruse” e penalltive krahas Muçit, protagonist u bë edh eish portiere i Interit dhe United, Onana i cili arriti të presë 3 11 metërsha të ekipit vendas.

Pas ndeshjes, Ernest Muçi e cilësoi sfidën si shumë të vështirë, duke theksuar rëndësinë e këtij suksesi dhe ambicien e ekipit për të shkuar deri në finale.

Ky rikthim vjen pas një periudhe të komplikuar për lojtarin, i cili ka kaluar një dëmtim që e mbajti larg fushave për disa javë. Vetë Muçi tregoi se kishte momente kur nuk mund të ecte, por tani gjendja e tij është përmirësuar dhe synon të marrë gjithnjë e më shumë minuta në ndeshjet e ardhshme.

Ndërkohë, e ardhmja e tij duket gjithnjë e më interesante. Sipas mediave turke, Trabzonspori po planifikon të blejë përfundimisht kartonin e tij nga Beşiktaş për rreth 8.5 milionë euro, pasi më parë kishte paguar 1 milion për huazimin.

Madje, në horizont ka edhe interesim nga Europa, me një ofertë që raportohet të ketë arritur deri në 17.5 milionë euro, çka mund ta kthejë Muçin në një nga transferimet më të bujshme të verës për klubin turk.Aktualisht, 25-vjeçari vlerësohet shumë në Trabzonspor, që vijon garën e fortë në kampionat, duke ndjekur nga afër Fenerbahçe. Rikthimi i Muçit në formë të mirë është një lajm i shkëlqyer, si për klubin, ashtu edhe për kombëtaren shqiptare.