Uashingtoni shqyrton mundësinë e evakuimit të civilëve të bllokuar

Shtetet e Bashkuara të Amerikës po analizojnë mundësinë e një evakuimi urgjent të popullsisë civile që është bllokuar në malet në veri të Irakut nga përparimi i xhihadistëve, njoftoi sot sekretari amerikan i Shtetit, John Kerry që ndodhet për vizitë zyrtare në Somali.

Ekspertët e OKB-së për të Drejtat e Njeriut i kërkuan dje komunitetit ndërkombëtar të zhvillojë një veprim të menjëhershëm që të pengojë një gjenocid të mundshëm kundër komunitetit Jazidi në Irak nga xhihadistët.

Me mijëra anëtarë të minoritetit Jazidi janë strehuar në malet e Sinjarit për të shpëtuar nga përparimi i xhihadistëve të Shtetit Islamik (SHI).

Deri në 35 mijë persona janë larguar nga rajoni i Sinjarit gjatë 72 orëve të fundit duke u strehuar në provincën Dohuk, në rajonin autonom të Kurdistanit irakian dhe vazdojnë të vijnë refugjatë të tjerë të dehidratuar.