Basha: Rama shfaqje në TV me OSHEE-në, qytetarët pa drita
Kryetari i Partisë Demokraike Lulzim Basha ka reaguar për aktivitetin e organizuar nga kryeministrin Edi Rama për përfituesit e skemave lehtësuese të OSHEE.
“Ndërsa Edi Rama me shpurën e tij ka dy orë që flet direkt në çdo televizion të vendit për arritjet e tij në fushën e energjisë, e gjithë zona e Tiranës në rrugën e Elbasanit është pa drita. Mijera familje anembanë Shqipërisë gjithashtu”, tha Basha.
Më tej, Basha u kujtoi qytetarëve të se “Rama kishte premtuar të ulte çmimin e energjisë, por ua rriti”.
“I futi shqiptarët e pamundur në ankth e terror për mospagimin e dritave. Ata që nuk paguan dot i çoi në burg. Të tjerë kaluan në dëshpërim dhe vranë veten nga pamundësia.
“dryshe u soll me miqtë. CEZ-it i fali 600 milionë Euro. Miqve në Tiranë u ka dhënë miliona euro në tendera dhe kontrata. Të varfërve dhe të pamundurve kërbaçin, miqve kulaçin. Kjo është reforma e Edi Ramës në energji”, u shpreh Basha.
Ai u bëri thirrje qytetarëve të dalin në protestën e 18 Shkurtit dhe premtoi se me ardhjen në pushtet të PD-së, shteti do të paguajë 200 kW energji për familjet e varfëra.
