Vangjel Dule: Do pranoja të isha pjesë e PS-së së Nanos, pro jo në PS-në e Ramës
Kreu i PBDNJ-së Vangjel Dule ka folur nga seanca e Kuvendit me një gjuhë të ashpër ndaj qeverisë, për të cilën tha se dështoi në kauzën e saj për një Shqipëri më të ndershme. Rama e quan Dulen grek të mirë dhe e fton të bëhet pjesë e PS-së
Gjatë fjalës së tij kreu i PBDNJ-së, Dule tha se nuk mund të ketë përgjegjësi të përbashkët për personat e kriminalizuar që mund të jenë në Kuvend, pasi ky faj – sipas tij – është vetëm i kryeministrit Rama që ka venë me firmën e tij në lista deputetësh individë të tillë. Në përgjigje të Dules, kryeministri Rama tha e ftonte Dulen në PS dhe se do e bënte shok me kryetarin e çamëve Shpëtim Idrizi. “Bëhu anëtar i PS-së. Minoriteti po kthehet në shtëpi, po ribëhet pjesë e asaj familje që ka treguar respekt, vlerësim, tolerancë e dashuri për gjithë minoritarët, përfshirë dhe ty. Ti ke dhënë dashuri, po ke marrë shumë më tepër dashuri nga kjo parti. Në këtë fushatë anëtarësimesh të përfitoj nga rasti të ftoj të vish në PS”, tha Rama. Vangjel Dule iu përgjigj Ramës për ftesën duke i thënë se e nderonte aderimi në një parti të madhem, pro jo tek Partia Socialiste që është sot. “Nëse PBDNJ nuk do të ekzistonte do të pranoja të isha anëtar i PS-së, por i PS-së së Fatos Nanos, Pandeli Majkos dhe Ilir Metës dhe jo i PS-së që ka katandisur Rama sot”, tha Dule.
