Veliaj: Vaktet e festave falas për shtresat në nevojë

Kryetari i Bashkisë së Tiranës Erion Veliaj, me anë të një postimi në rrjetin social “Facebook” bën të ditur se duke nisur që nga dita e sotme, institucioni që ai drejton do të japë ushqim falas për njerëzit në nevojë.

Ai u bën thirrje të gjithë qytetarëve që të solidarizohen duke kontribuar me sa të mundet për t’u ardhur në ndihmë shtresave të shoqërisë që nuk i gëzojnë dot këto festa.

“Bashkia Tiranë do të shtrojë sot e në vazhdim vaktet e festave për njerëzit në nevojë. Bej dhe ti tënden, sa e ku mundesh”, shkruan Veliaj.